قامت الشرطه المصريه بضرب عاطف يحيى ابراهيم بالرصاص فى راسه لاعتراضه على العداء الاسرئيلى على فلسطين
مين عاطف ؟
ليه ضربوه ؟
عاطف يحيى ابراهيم شاب مصرى كان بيحلم زى اى حد بالحرية بالامان فى بلده بيتمنى يشوف بلده احسن بلد فى العالم كان من الناس اللى خرجت يوم 28 وبعدها . ربنا نجاه فى عز المحنة لكن كانت ارادة ربنا انه يتصاب برصاص الغدر فى موقع تانى عند السفارة الاسرائيلية
الكل شهد انه كان راجع يحمى واحدة ست وبنتها جاتله رصاصة الغدر فى راسه ايوة فى راسه
قالوا مضربوش رصاص حى وقالوا ضربوا مطاطى فى الجو
لالالالا والف لا رصاص حى فى الدماغ
هو دلوقتى فى القصر العينى بين الحياة والموت
خالد سعيد كان ممكن يبقى فى غياهب النسيان لولا ان حد اهتم بقضيته
وان شاء الله حقك مش هيضيع ياعاطف
لحظة ضرب عاطف من ايادى جبناء لا من ايادى خائنه
https://www.youtube.com/watch?v=Vua3roDYPCQ برنامج فى الميدان يتحدث عن عاطف يحيى ابراهيم مع محمود سعد
https://www.youtube.com/watch?v=opzs2nyh4B8تقرير عن حالة عاطف يحيى ابراهيم
https://www.youtube.com/watch?v=xS8SN_AMtnwالرصاصه التى اصابت عاطف كانت ممكن تصيب اخوك او اخى او شخص عزيز عليك
عاطف اصابوه بالرصاص فى راسه من اجل امراه الله اعلم من تكون كانت ممكن ان تكون امك او امى اختك او اختى زوجتى او زوجتك فواجبنا نحو شبابنا الكرماء الوقوف معهم ضد الظلم والفساد والفاسدين
صفحة عاطف على الفيس بوك اسمها
حقك مش هايروح يا عاطف
كلنا مع بعض نقدر نجيب حق كل واحد مننا لو سيبنا حق عاطف وكل واحد زيه واحده واحده كلنا هانبقه عاطف ونرجع للذل من تانى وهايكون فى عاطف وخالد سعيد وغيرهم وغيرهم لاننا سيبنا حقهم والساكت عن الحق شيطان اخرص
ديه صورة عاطف
مكنش بلطجى ولا كان جاهل
كان مهندس كمبيوتر
كان شاب محترم
كلنا عاطف يحيى ابراهيم وحقك مش هايروح يا عاطف
